Անհավանական սրճարանը
Եվ այլ ստեղծարար արկածներ Երևանի փողոցներում
Դեկտեմբերի 28, 2018 | հեղ.` Անուշ Տեր-Խաչատրյան
Ամանորյա տոների շրջանը կատարյալ պահ է Երևանի հրաշալի թանգարանների ջերմությունը վայելելու համար։ Բայց եթե ուղղակի զբոսնեք քաղաքի կենտրոնով, կնկատեք, որ արվեստի ամենահոյակապ գործերից որոշները տեսնելու համար վճարել անգամ հարկավոր չէ։ Դրանք ձեր շուրջ են։
Անհավանական սրճարանը
![](https://static.wixstatic.com/media/307b3c_368651ad97964761886b3b9bb8ea3f48~mv2_d_3960_2635_s_4_2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/307b3c_368651ad97964761886b3b9bb8ea3f48~mv2_d_3960_2635_s_4_2.jpg)
Describe your image
![](https://static.wixstatic.com/media/307b3c_0bcbebd33bbd4385889f6c6412591b56~mv2_d_4256_2832_s_4_2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/307b3c_0bcbebd33bbd4385889f6c6412591b56~mv2_d_4256_2832_s_4_2.jpg)
Describe your image
![](https://static.wixstatic.com/media/307b3c_92acfb8468df4b808c0034b50a8c2df3~mv2_d_4256_2832_s_4_2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/307b3c_92acfb8468df4b808c0034b50a8c2df3~mv2_d_4256_2832_s_4_2.jpg)
Describe your image
![](https://static.wixstatic.com/media/307b3c_368651ad97964761886b3b9bb8ea3f48~mv2_d_3960_2635_s_4_2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/307b3c_368651ad97964761886b3b9bb8ea3f48~mv2_d_3960_2635_s_4_2.jpg)
Describe your image
Հարրի Փոթերի «Ասպետական ավտոբուսը» հիշեցնող ավտոբուսը տեղափոխում է ձեզ Խորհրդային Միության նոստալգիկ մթնոլորտ ու մատուցում 18-րդ դարի մեթոդով պատրաստված սուրճ։ Սա անհնարին ճանապարհորդություն է ժամանակի մեջ, որը հնարավոր է դառնում Փարպեցի 7 հասցեում։
«StarBus Café»-ի հիմնադիր Տիգրան Զալինյանը ոչ պակաս անհնարին մարդ է. բազմատաղանդ անձնավորություն՝ վեց տարբեր մասնագիտություններով, որոնց թվում են հոգեբանությունն ու ուֆոլոգիան։ Մի օր Տիգրանը հանդիպել է վաճառքի հանված 1976թ.-ի «Իկառուս» ավտոբուսը։ «Ծեր տատիկ»՝ այսպես է նա կոչում ավտոբուսը, չնայած նրան մի լավ լվացել ու հագցրել է, զգացողություն է ունեցել, թե իր երեխային դպրոց է ուղարկում։
Այն հարմարավետ նստատեղեր ունի, իսկ պատուհանների վերևում լամպեր են կախված։ Պատուհաններին պատկերված են Դալիի, Վան Գոգի, Ցոյի և այլ արվեստագետների դիմանկարները։ Սեղաններին ծաղիկներ են դրված, իսկ պատերին` նկարներ կախված։ Զարմանալի չէ, որ սրճարանը գրավիչ է թե՛ հին երևանցիների, թե` արվեստագետների, թե՛ զբոսաշրջիկների և ֆրիլանսերների համար, ովքեր այստեղ են գալիս` սուրճ խմելու, աշխատելու և մտածելու։
Ինձ Ջամալյա՛ն կոչեք
![](https://static.wixstatic.com/media/307b3c_f27940405599413daffe8f4a766fcbac~mv2_d_4047_2686_s_4_2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/307b3c_f27940405599413daffe8f4a766fcbac~mv2_d_4047_2686_s_4_2.jpg)
![](https://static.wixstatic.com/media/307b3c_1b1765589866402d8f81fee129385a68~mv2_d_4256_2832_s_4_2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/307b3c_1b1765589866402d8f81fee129385a68~mv2_d_4256_2832_s_4_2.jpg)
![](https://static.wixstatic.com/media/307b3c_f9a51986fac84c57aa54a18daf10b4c7~mv2_d_2832_4256_s_4_2.jpg/v1/fill/w_147,h_221,al_c,q_80,usm_0.66_1.00_0.01,blur_2,enc_auto/307b3c_f9a51986fac84c57aa54a18daf10b4c7~mv2_d_2832_4256_s_4_2.jpg)
![](https://static.wixstatic.com/media/307b3c_f27940405599413daffe8f4a766fcbac~mv2_d_4047_2686_s_4_2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/307b3c_f27940405599413daffe8f4a766fcbac~mv2_d_4047_2686_s_4_2.jpg)
Մի ստվեր է ձգվում Հյուսիսային պողոտայով մեկ, ու ստվերից բարիտոնով լսվում է պարսկական ժողովրդական մի երգ։ Սև բաճկոնով, սպիտակ վերնաշապիկով և սև, երկար, հետ հավաքված մազերով` Քասեր Ջամալին Իրանից եկած աշուղ է, ով երաժշտություն է դասավանդում և նվագում իր 12-ամյա կիթառը՝ իր առաջին սերը։
Գրպանից հանելով մի ջարդուխուրդ հեռախոս՝ բարձրացնում է ձեռքը, մի քանի պարսկերեն բառ ասում ու սպասում «Google»-ի թարգմանչին։ «Հայկական երաժշտությունը չունի ոսկե միջին», — ասում է թարգմանիչը` նկատի ունենալով, որ այն չափազանց տխուր կամ չափազանց ուրախ է։
Հայկական երաժշտության այս հատկանիշը գայթակղել է Ջամալիին դեռ դեռահաս տարիքում, երբ նա այցելել էր Իրանի` Սպահան քաղաքի հայակական համայք և, փողոցները շրջելով, հետևել հայկական երաժշտության լաբիրինթոսին։ Այս պատմությունը պատմելիս Ջամալին ժպիտով հայացքը նետում է պողոտային. ժպիտ, որն անհնար է թարգմանել։ Ասում է` մի օր կուզեր հայերեն երգել, ու սկսում է նվագել պարսկական ժողովրդական մի երգ։
We are the Street Art
![](https://static.wixstatic.com/media/307b3c_ef9dfada4ca54ecdbe6f65789c9bb29e~mv2_d_3927_2456_s_4_2.jpg/v1/fill/w_147,h_92,al_c,q_80,usm_0.66_1.00_0.01,blur_2,enc_auto/307b3c_ef9dfada4ca54ecdbe6f65789c9bb29e~mv2_d_3927_2456_s_4_2.jpg)
![](https://static.wixstatic.com/media/307b3c_cb1099ac2c73493ab42e12fd09f45a9f~mv2_d_4033_2684_s_4_2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/307b3c_cb1099ac2c73493ab42e12fd09f45a9f~mv2_d_4033_2684_s_4_2.jpg)
![](https://static.wixstatic.com/media/307b3c_bae3b4adfee14205ac286f0e0fcf8c69~mv2_d_2832_4256_s_4_2.jpg/v1/fill/w_147,h_221,al_c,q_80,usm_0.66_1.00_0.01,blur_2,enc_auto/307b3c_bae3b4adfee14205ac286f0e0fcf8c69~mv2_d_2832_4256_s_4_2.jpg)
![](https://static.wixstatic.com/media/307b3c_ef9dfada4ca54ecdbe6f65789c9bb29e~mv2_d_3927_2456_s_4_2.jpg/v1/fill/w_147,h_92,al_c,q_80,usm_0.66_1.00_0.01,blur_2,enc_auto/307b3c_ef9dfada4ca54ecdbe6f65789c9bb29e~mv2_d_3927_2456_s_4_2.jpg)
Արտակ Գևորգյանը նստած է նստարանին՝ փաթաթված իր կապտանարնջագույն վերարկուի մեջ։ Նա պատմում է սթրիթ արթով զբաղվող արվեստագետների խմբավորման՝ «Հակահարվածի» մասին, որը համահիմնադրել է 2012թ.-ին, և որի համար Արտակի օգնությամբ մանիֆեստ է գրվել։ 26-ամյա Արտակին չի հետաքրքրում սիրուն, դեղին արևածաղիկներ նկարելը կամ պատերը պատկերապատելը։ Իրականում, ասում է` բազմիցս ձերբակալվել է պատերին քաղաքական ուղերձներով պատկերներ թողնելու համար։
«Հակահարվածի» առաջին գործն արվել էր ոստիկանութան՝ Խնկո Ապոր գրադարանի մոտ ակտիվիստների հանդեպ բռնություն կիրառելուն ի պատասխան։ Գործն այլևս այնտեղ չէ։ Մի քանի ժամվա մեջ ոստիկանությունը մաքրել է ստեղծագործությունը։ Նրանց գործերը կյանքի կարճ տևողություն ունեն։ Դրանք ազդում են մարդկանց վրա, նրանց մտքում հարցեր առաջացնում ու մի քանի ժամ անց գոլորշանում։
«Սթրիթ արթի համար անհրաժեշտ է միայն մի քանի հազար դրամ` պաստառները տպելու և սոսինձ՝ դրանք պատին փակցելու համար։ Առաջինը կարելի է վերցնել ընկերներից, իսկ երկրորդը` պատրաստել ալյուրից։ Այնպես որ, այն ամենը, ինչ հարկավոր է, մենք ենք, որովհետև, եթե լավ մտածենք, հենց մե՛նք ենք սթրիթ արթը»։
ՀԵՂԻՆԱԿ
Անուշ Տեր-Խաչատրյանը գրող է, ապրում է Երևանում:
ԼՈՒՍԱՆԿԱՐԻՉ
Ստեֆանո Կորացցինը իտալացի լուսանկարիչ է, որ ներկայումս բնակվում է Երևանում: