.png)
Creative Armenia-ն հայտարարում է բաց կանչ 2026թ․ Creative Innovation Fellowship ծրագրի համար։ Վահէ Ֆաթթալ հիմնադրամի աջակցությամբ և L’Œuvre d'Orient կազմակերպության հետ համագործակցությամբ իրականացվող այս 10-ամսյա ծրագիրն կաջակցի արվեստի և տեխնոլոգիաների խաչմերուկում ստեղծագործող հայ արվեստագետներին։ Ընտրված 5 արվեստագետները կստանան 5 000 եվրոյի չափով դրամաշնորհ, անհատական մենթորություն և մասնագիտական աշխատարաններ՝ իրենց ստեղծագործական նախագծերի զարգացման և իրագործման համար։
Արդեն իր երկրորդ տարում՝ Creative Innovation Fellowship ծրագիրը շարունակում է աջակցել տարբեր ոլորտների արվեստագետներին՝ վիզուալ արվեստից և երաժշտությունից մինչև թվային մեդիա և նորաձևություն, որոնք իրականացնում են նորարարական նախագծեր՝ համադրելով արվեստն ու նորագույն տեխնոլոգիաները։
«Մեր դռները այժմ բաց են նոր սերնդի Fellow-ների համար», – ասել է Creative Armenia-ի հիմնադիր Կարին Հովհաննիսյանը։ «Մենք ոգևորված ենք բացահայտելու նոր և համարձակ գաղափարներ»։
Ծրագիրը բաց է բոլոր ոլորտների արվեստագետների համար, որոնք բնակվում են Հայաստանում կամ իրականացնում են նախագծեր, որոնք ունեն ամուր կապ Հայաստանի հետ։ Բոլոր հետաքրքրված դիմորդները կարող են հայտ ներկայացնել մինչև 2026 թվականի հուլիսի 12-ը այցելելով՝ creativearmenia.org/creative-innovation-fellowship
«Մենք ուրախ ենք նպաստել հայ արվեստի ոլորտի զարգացմանը՝ նորարարությանն ու ստեղծագործականությանը նվիրված այս ծրագրի միջոցով», – նշել է L’Œuvre d'Orient կազմակերպության Հայաստանի գրասենյակի ղեկավար Լյուկ Բուրոն։
Creative Armenia-ն համահայկական մշակութային հիմնադրամ է՝ նվիրված նորարար տաղանդների բացահայտմանը, աջակցմանը և խթանմանը։