Դիմավորե՛ք Creative Innovation Fellow-ներին՝ հինգ արվեստագետների, որոնք կյանքի են կոչում իրենց նորարարական նախագծերը։
Ծրագիրն իրականացվում է Creative Armenia-ի կո ղմից՝ «Վահէ Ֆաթթալ» հիմնադրամի աջակցությամբ և L’Œuvre d'Orient կազմակերպության հետ համագործակցությամբ:
10
ԱՄԻՍ
5
ԱՐՎԵՍՏԱԳԵՏ
€5,000
ԴՐԱՄԱՇՆՈՐՀ
Բացահայտե՛ք մեր Fellow-ներին
Այս տաղանդավոր արվեստագետները կստանան 5000 եվրոյի չափով ֆինանսավորում, աշխատարաններ՝ ոլորտի առաջատար մասնագետների հետ և անհատական մենթորություն։
Վանանե Բորյան
Արվեստագետ
Վանանե Բորյանը արվեստագետ և մշակութային ակտիվիստ է, որի գործունեությունն ընդգրկում է վիզուալ արվեստը, թվային արվեստն ու իմերսիվ ինստալացիան՝ հետազոտահեն մոտեցմամբ անդրադառնալով ֆեմինիզմին, ինքնությանը, պատմական հիշողությանը և էկոլոգիական փոխկապակցվածությանը։ Fellowship-ի շրջանակում նա կշարունակի ստորջրյա ակուստիկ աղտոտման և դրա՝ ջրային էկոհամակարգերի վրա ազդեցության վերաբերյալ իր հետազոտությունը՝ դրա արդյունքում ստեղծելով ինստալացիա, որը հետազոտությունը կվերածի գեղարվեստական փորձառության։
Սուրեն Թադևոսյան
Վիզուալ արվեստագետ
Սուրեն Թադևոսյանը մրցանակակիր օպերատոր և վիզուալ արվեստագետ է, որի ստեղծագործական գործունեությունն ընդգրկում է կինոն, լուսանկարչությունը, վիդեոն և կոնցեպտուալ մուլտիմեդիա արվեստը։ Fellowship-ի ընթացքում նա կաշխատի իր նախագծի վրա, որն ուսումնասիրում է մարդկային փոխհարաբերություններում ջերմության և հուզական կապի կորստի թեման՝ թերմոգրաֆիկ պատկերներն ու վիզուալ տեխնոլոգիաները համադրելով ինտերակտիվ մուլտիմեդիա ինստալացիայի մեջ։
Կայ (Կարեն) Խաչատրյան
Ձայնային արվեստագետ
Կայ (Կարեն) Խաչատրյանը ձայնային արվեստագետ է, որի ստեղծագործական գործունեությունն ուսումնասիրում է ձայնի, շարժման և տարածության փոխհարաբերությունը։ Fellowship-ի ընթացքում նա կաշխատի կենդանի կատարում ներառող նախագծի վրա, որտեղ հատուկ մշակված գործիքները կատարողների շարժումները կվերածեն ձայնի և իրական ժամանակում ստեղծվող վիզուալ պատկերների՝ միավորելով շարժումը, երաժշտությունն ու վիզուալ արվեստը։
Շահեն Խանդկարյան (SHHAU)
Պրոդյուսեր, կոմպոզիտոր և ձայնային դիզայներ
Շահեն Խանդկարյանի ստեղծագործական գործունեությունը համադրում է էլեկտրոնային երաժշտությունը, իմպրովիզացիան ու կենդանի կատարումը։ Fellowship-ի ընթացքում նա աշխատելու է էլեկտրոնիկայի, լարային գործիքների, երգչախմբի և հարվածային գործիքների համար նախատեսված կենդանի կատարում նախագիծը զարգացնելու վրա։ Այն ներառում է իմերսիվ բեմադրություն, տարածական կոմպոզիցիա և ակուստիկ ու էլեկտրոնային համակարգերի համադրություն՝ ստեղծելով կենտրոնացված և հուզականորեն ազդեցիկ ունկնդրման փորձառություն։
Դավիթ Ներսիսյան
Լուսանկարիչ
Դավիթ Ներսիսյանը լուսանկարիչ է, որի ստեղծագործական գործունեությունը կենտրոնացած է մարդկանց և պատմությունների վրա, որոնք հաճախ դուրս են մնում հիմնական հանրային պատմություններից։ Fellowship-ի ընթացքում նա կուսումնասիրի, թե ինչպես են տեսողական հաշմանդամություն ունեցող մարդիկ շոշափման միջոցով ընկալում և ճանաչում աշխարհը՝ մշակելով շոշափելի զգայական սարք և ծրագրային ապահովում, որն այդ փոխազդեցությունները կվերածի նոր տեսողական և զգայական փորձառության։
