Creative Armenia-ն հայտարարում է 2026 Creative Innovation Fellow-ների անունները: «Վահէ Ֆաթթալ» հիմնադրամի աջակցությամբ և L’Œuvre d'Orient-ի հետ համագործակցությամբ իրականացվող այս 10-ամսյա ծրագիրը հինգ նորարար արվեստագետների կտրամադրի 5 000 եվրոյի չափով դրամաշնորհ, մասնագիտական աշխատարաններ և անհատական մենթորություն՝ իրենց ստեղծագործական նախագծերը կյանքի կոչելու համար։
2026 Creative Innovation Fellowship-ի համար ընտրվել են՝ արվեստագետ Վանանե Բորյանը, օպերատոր և վիզուալ արվեստագետ Սուրեն Թադևոսյանը, լուսանկարիչ Դավիթ Ներսիսյանը, ձայնային արտիստ Կայ (Կարեն) Խաչատրյանը և պրոդյուսեր, կոմպոզիտոր և ձայնային դիզայներ Շահեն Խանդկարյանը:
Առաջիկա 10 ամիսների ընթացքում Fellow-ները կզարգացնեն իրենց համարձակ նախագծերը և կբացահայտեն նոր հնարավորություններ իրենց ոլորտներում։ 2025 թվականի Fellow-ներին միանալով՝ նրանք կդառնան մեր ընդլայնվող ստեղծագործական համայնքի մի մասը։
Մեկնարկելով իր երկրորդ տարին՝ Creative Innovation Fellowship ծրագիրը շարունակում է աջակցել տարբեր ոլորտներում ստեղծագործող արվեստագետներին՝ տեսողական արվեստից և երաժշտությունից մինչև թվային մեդիա և նորաձևություն։
Արվեստագետների և նրանց ստեղծագործական գործունեության մասին ավելին իմանալու համար այցելեք այստեղ։