Նարեկ Մարգարյանի մարգարեությունները
Բացահայտե՛ք կոմեդիաների հեղինակ, սցենարիստ և Creative Armenia - AGBU fellow-ի մարգարեական ուժերը։
Մայիսի 16, 2019 | հեղ.` Creative Armenia
![maxresdefault.jpg](https://static.wixstatic.com/media/307b3c_d2ad30d42e304c17a981325c34bd09fc~mv2.jpg/v1/crop/x_0,y_26,w_1280,h_667/fill/w_777,h_405,al_c,q_80,usm_0.66_1.00_0.01,enc_auto/maxresdefault.jpg)
Տարիներ շարունակ Նարեկ Մարգարյանը առաջ է մղել քաղաքական կոմեդիայի սահմանները։ Բայց մի երկրում, որտեղ կոմեդիայի և իրականության սահմանները հաճախ հստակ չեն, Մարգարյանի երևակայությունը հասել է մարգարեական չափերի։ Նման օրինակ է Մարգարյանի և ԱրմՔոմեդիի իր գործընկերոջ՝ Սերգեյ Սարգսյանի համահեղինակած սցենարը՝ գրված 2017թ.-ի «Առաջին դեմք» ֆիլմի համար, որը բավականություն պատճառեց հայ դիտորդին իր արտասովոր պատկերներով։ Համենայն դեպս, դրանք արտասովոր էին թվում ժամանակին։
Ո՞վ է այդ լրագրողը
![Screen Shot 2019-05-15 at 2.01.53 PM_edi](https://static.wixstatic.com/media/307b3c_99e175dffc6048fba2a1cccf65892e9a~mv2.png/v1/crop/x_146,y_0,w_1147,h_598/fill/w_777,h_405,al_c,q_85,usm_0.66_1.00_0.01,enc_auto/Screen%20Shot%202019-05-15%20at%202_01_53%20PM_edi.png)
Ֆիլմի գլխավոր կերպարը ցինիկ լրագրող է, ով, ի վերջո, փոխակերպվում է առաջնորդի՝ դառնալով ՀՀ նախագահ։ Ո՞ւմ է հիշեցնում։ Նախքան ՀՀ վարչապետ դառնալը թավշյա հեղափոխական Նիկոլ Փաշինյանը լրագրող և «Հայկական ժամանակ» օրաթերթի խմբագիրն էր։
Հեծանվի վերահայտնագործումը
![Screen Shot 2019-05-15 at 2.06.04 PM_edi](https://static.wixstatic.com/media/307b3c_a184312047cc4ce6be93df44dafa5e3e~mv2.png/v1/crop/x_95,y_0,w_1149,h_599/fill/w_78,h_40,al_c,q_85,usm_0.66_1.00_0.01,blur_2,enc_auto/Screen%20Shot%202019-05-15%20at%202_06_04%20PM_edi.png)
Նախագահական աթոռը զբաղեցնելուց անմիջապես հետո կարևոր առաջադրանք է իրականացվում։ Նախագահի հետ միասին պատգամավորները ողողում են փողոցներն իրենց հեծանիվներով՝ որպես առողջ ապրելակերպի խրախուսանք։ Նիկոլ Փաշինյանը նույնպես հավատում է հեծանվի կարևորությանը։ Նա հաճախ է քաղաքով մեկ անցնում հեծանվով՝ասելով, որ դա իրեն ազատության զգացողություն է տալիս և կոփում է առողջ մարմին, որում ապրում է առողջ հոգի։
Բարեկամական հարաբերություններ
![Screen Shot 2019-05-15 at 2.10.16 PM_edi](https://static.wixstatic.com/media/307b3c_3e12a33328e84043878c38fca45f47f0~mv2.png/v1/crop/x_175,y_0,w_1145,h_597/fill/w_78,h_41,al_c,q_85,usm_0.66_1.00_0.01,blur_2,enc_auto/Screen%20Shot%202019-05-15%20at%202_10_16%20PM_edi.png)
Երբ ֆիլմի կերպարը զբաղեցնում է նախագահական պաշտոնը, առաջին բարձրաստիճան պաշտոնյան, որին նա հանդիպում է, Վրաստանի վարչապետն է՝ վրացի երգիչ Սոսո Պավլիաշվիլիի դերակատարմամբ։ Վարչապետ Նիկոլ Փաշինյանը նույնպես իր առաջին պաշտոնական այցը կատարեց դեպի Վրաստան։ Սակայն, ի տարբերություն ֆիլմի, Վրաստանի իրական վարչապետը բացառապես քաղաքական գործիչ է՝ առանց որևէ շոուբիզնեսային անցյալի։
Կարմիր գծեր և երթևեկության տուգանքներ
![Screen Shot 2019-05-15 at 2.12.10 PM_edi](https://static.wixstatic.com/media/307b3c_691527d96cf44cf2875290ffdeba29b6~mv2.png/v1/crop/x_213,y_0,w_1142,h_595/fill/w_78,h_40,al_c,q_85,usm_0.66_1.00_0.01,blur_2,enc_auto/Screen%20Shot%202019-05-15%20at%202_12_10%20PM_edi.png)
Կարծես թե երթևեկության տուգանքներն ու կարմիր գծերը հավերժական գլխացավանք են թե՛ իրականությունում, թե՛ ֆիլմում և թե՛ զուգահեռ աշխարհներում։ Ինչպես գիտեք, մեր նոր կառավարությունը ժամանակավորապես հրաժարվեց կարմիր գծերից և երթևեկության տուգանքներից՝ հավատալով, որ մարդկանց երթևեկելու արվեստին ծանոթացնելը խելամիտ լուծում կլիներ։ Սակայն լուծումն այնքան էլ չաշխատեց։ Ֆիլմում, ինչպես իրականության մեջ, տեսախցիկների ընդունված արգելքն արագորեն չեղարկվում է։
Ձերբակալությունը
![Screen Shot 2019-05-15 at 2.33.21 PM_edi](https://static.wixstatic.com/media/307b3c_88d93a155cda4d9bb57a25edb15168bf~mv2.png/v1/crop/x_66,y_0,w_1122,h_585/fill/w_78,h_41,al_c,q_85,usm_0.66_1.00_0.01,blur_2,enc_auto/Screen%20Shot%202019-05-15%20at%202_33_21%20PM_edi.png)
Եվ վերջապես, բոլորս հիշում ենք հեղափոխության ամենալարված օրերի ընթացքում ինչպես Նիկոլ Փաշինյանին, այնպես էլ մարդկանց բազմությունը, զայրույթը, հաշված վայրկյաններում առաջնորդի անհետացումը։ Ձերբակալության լուրը վիրուսային կերպով տարածվեց և ավելի շատ մարդկանց ընդգրկեց ցույցերում։ Նարեկի լրագրող հերոսը նույնպես ձերբակալվում է ցույցերի ժամանակ, որից հետո…
Մնացածն արդեն գիտեք։
Սա կոմեդիաների հեղինակ, սցենարիստ և այժմ Creative Armenia-AGBU fellow Նարեկ Մարգարյանի մարգարեական ուժի և ստեղծարար տաղանդի համառոտ ակնարկն էր։