«Ինքնամեկուսացում» ստեղծարար մարտահրավերի 5 հաղթողները
Հիմնական մրցանակը կկիսեն հինգ տաղանդավոր արվեստագետներ
Հուլիսի 1, 2020 | հեղ.` Creative Armenia
![$2,000 self-quarantine creative challeng](https://static.wixstatic.com/media/307b3c_db2badb658aa4d40b170d3bc9230f204~mv2.png/v1/fill/w_763,h_429,al_c,q_85,usm_0.66_1.00_0.01,enc_auto/%242%2C000%20self-quarantine%20creative%20challeng.png)
Creative Armenia-ն ուրախ է ներկայացնել 5 բացառիկ արվեստագետների, որոնք կիսում են «Ինքնամեկուսացում» ստեղծարար մարտահրավերի $2,000 գլխավոր մրցանակը։ Մարտահրավերի գործընկեր՝ Ucom։
«Համաշխարհային մրցույթին մասնակցեցին հազարավոր արվեստագետներ, որոնց արձագանքը մարդկային ճգնաժամին լի էր ստեղծարար տեսլականով», — ասաց Creative Armenia-ի ծրագրերի ղեկավար Անուշ Տեր-Խաչատրյանը։ «Այս հինգ արվեստագետները գտան նոր եղանակներ արտացոլելու և սահմանելու մեր պատմական ժամանակաշրջանը»։
Անի Քանանյանը, ով կավագործ և նկարիչ է Երևանից, վարպետորեն ներկայացրեց համամարդկային «ինքնամեկուսացման ռեժիմը» իր կարճամետրաժ ֆիլմ-ինստալյացիայում։
Վան Սարգսյանը, ով Գերմանիայում հաստատված երաժիշտ է, ստեղծեց տպավորիչ էլեկտրոնային պատրանք, որը կոտրեց մեկուսացման սահմանները։
Առնո Խայաջանյանը, ով կիոռեժիսոր է Ֆրանսիայից, իր ֆիլմում դիտորդին ուղորդեց հուզիչ ստեղծարար արկածների միջով, որոնք տեղ էին ունենում Google Map-երում։
Տիգրան Ներսիսյանը, ով ԱՄՆ-ում հաստատված կինոռեժիսոր է Ռուսաստանից, իր պոետիկ ֆիլմում ներկայացրեց «ազնիվ և անկեղծ զրույց սեփական անձի հետ»։
Թամարա Այդինյանը, ով պարուհի և խորեոգրաֆ է Հայաստանից, ներկայացրեց ինքնամեկուսացման ցնորքը իր ցնցող և մեկուսի պարում։
Այս հինգ հաղթող արվեստագետների աշխատանքները, ինչպես նաև հարյուրավոր այլ աշխատանքներ կարող եք ուսումնասիրել SelfQuarExperiment.com կայքէջում, որում համադրված են ՔՈՎԻԴ-19 համավարակի ընթացքում ստեղծված ֆիլմեր, երաժշտություն, գրականություն և այլ ստեղծագործություններ։