Սիմոն Աբգարյանի բազում կյանքերը

Տոնելով մեր խորհրդի անդամ Սիմոն Աբգարյանի ամենահիշարժան դերերը

Հուլիսի 31, 2020 |  հեղ.` Maryam Israelyan

«Առանց արվեստագետների կյանքը մահացու կլիներ։ Իսկ թատրոնը նման է սկզբնական մեղքին, այն վերարտադրվում է, և կրկին վեր բարձրանում», - ասաց Սիմոն Աբկարյանը՝ «Գեհենի Էլեկտրա»-ի համար երեք հեղինակավոր «Մոլիեր» մրցանակներ ստանալիս։

 

Բեմադրված Ariane Mnouchkine's Théâtre du Soleil թատրոնում, ներկայացումը արժանացավ բազմաթիվ գովասանքի և երեք «Մոլիեր» մրցականի՝ «Թոնի» մրցանակի ֆրանսիական համարժեքը, դառնալով տարվա ամենաքննարկվող պիեսը։ Սիմոնը մրցանակներ ստացավ լավագույն ռեժիսորի և կենդանի ֆրանսախոս հեղինակի համար, մինչդեռ բեմադրությունը համարվեց լավագույն ներկայացումը հանրային թատրոնում։ 

 

Հոլիվուդի բլոկբաստերներից մինչև ֆրանսիական արտ հաուս, Սիմոն Աբգարյանի խաղացանկը բազմազան է։ Քանի որ նա բացառիկ գրող, ռեժիսոր և «Creative Armenia»-ի խորհրդի անդամ է, մենք տոնում ենք Սիմոն Աբգարյանի մեծ էկրանի ամենահռչակավոր դերերից մի քանիսը։ 

 

«Արարատ» (2002)

Ռեժիսոր Ատոմ Էգոյանի «Արարատ» ֆիլմը Հայոց ցեղասպանության սարսափելի իրադարձությունների մասին ամենահայտնի ֆիլմերից է։ Ֆիլմում Սիմոն Աբգարյանը խաղում է Արշիլ Գորկու՝ հայկական ծագմամբ հայտնի նկարչի դերը։ Գորկու նրա մարմնավորումը ցնցող և հզոր է։ Չնայած համեմատաբար փոքր դեր ունենալուն՝ Սիմոն Աբգարյանը հերոսական ոգով է լցնում կերպարին՝ տպավորելով նրան դիտորդի հիշողության մեջ։

Այս վեց առաջատար արվեստագետները այժմ առաջ կմղեն հայ մշակույթի ապագայի սահմանները։ 

«Կազինո Ռոյալ» (2006) 

Լինելով բազմաժանր դերասան՝ Սիմոն Աբգարյանը նաև աշխատել է հոլիվուդյան լավագույն բլոկբաստերներից որոշների հետ։ Դրանցից մեկը ռեժիսոր Մարտին Քեմբելի «Կազինո Ռոյալ»-ն է, ևս մեկը Ջեյմս Բոնդի մասին ֆիլմաշարից։ Ֆիլմում Սիմոնը մարմնավորում է Ալեքսանդր Դիմիտրիոսին, որը միջազգային ահաբեկչության պայմանագրային աշխատող է։ Նա չար և դաժան է և այնքան տհաճ, որքան ֆիլմի վատ հերոսին բնորոշ է լինել։ Սակայն դա միայն խոսում է դերասանի հանճարի մասին, որը կարող է վարպետորեն փոխանցել կերպարի տհաճությունը։ 

«Հանցագործությունների բանակը» (2009) 

Ռեժիսոր Ռոբեր Կետիկյանի «Հանցագործությունների բանակը» ֆիլմում Սիմոն Աբգարյանը մարմնավորում է իսկական պատմական գործչի՝ Միսակ Մանուկյանին։ Հիմնված նացիստական օկուպացիայի դեմ Ֆրանսիայում ազատագրական շարժման իրական պատմության վրա՝ այն բարդ, բայց կլանող ֆիլմ է։ Սիմոն Աբգարյանը ներկայացնում է հակասություններով լի բանաստեղծ-մտավորականի, որի ընտանիքը մազապուրծ է եղել 1915 թ.-ի Հայող ցեղասպանությունից։ Նա փայլուն կերպով խաղում է մի կերպարի, որի համար պատերազմը ոչ միայն աշխարհի դեմ կռիվն է, այլև ներքին պայքարը։ Այս բարոյապես անկոտրուն կերպարի միջոցով դերասանը հիանալի կերպով բացահայտում է պատերազմի լրջությունը, դրա իդեալիստական մտադրությունները և երկակիությունը։

«Քաբուլի խոհանոց» (2012)

Սիմոն Աբկարյանը հաջողությամբ մարմնավորել է ոչ միայն դրամատիկ դերեր, այլև կատակերգական։ Ֆրանսիական հանրաճանաչ «Քաբուլի խոհանոց»-ը հեռուստասերիալում նրա մարմնավորմամբ գնդապետ Ամանուլլահը լավագույն ապացույցն է։ Ստեղծված Մարկ Վիկտորի, Ալան Մոդուիի և Ժան-Պատրիկ Բենեի կողմից և հիմնված իրական պատմության վրա՝ հեռուստասերիալը պատմում է ֆրանսիացի գաղթական Ջեքիի կյանքի մասին։ Նա ղեկավարում է Աֆղանստանի Քաբուլ քաղաքի «Քաբուլի խոհանոց» հայտնի ռեստորանը և ընդունում է գաղտնի հանձնարարություն գնդապետ Ամանուլլահից՝ մարմնավորված երգիծականորեն լուրջ Սիմոն Աբգարյանի կողմից, ում հետ և ում վրա դիտորդը հաճույքով ծիծաղում է։ 

«Վիվիեն Ամսալեմի դատը» (2014) 

«Կին առնել» և «Յոթը օրերը» ֆիլմերի հետ միասին, «Վիվիեն Ամսալեմի դատը» ամբողջական է դարձնում Ժոնիտ և Շլոմի Էլկաբեցների տպավորիչ կինոնկարի տրիլոգիան։ Ֆիլմը պատմում է Վիվիենի և Էլիշայի պատմությունը՝ վերջինս մարմնավորված Սիմոն Աբգարյանի կողմից։ Երեսուն տարվա անսեր ամուսնությունից հետո, Վիվիենը որոշում է ամուսնալուծվել։ Քանի որ Իսրայելը չի ճանաչում քաղաքացիական ամուսնությունը և ամուսնալուծությունը, ուղղափառ ռաբբինատը կատարյալ վերահսկողություն ունի։ Եվ, ըստ ռաբբինատի, կինը չի կարող ամուսնալուծվել ամուսնուց առանց վերջինի համաձայնության։ Բնականաբար, դատավարությունն տևում է ոչ թե ամիսներ, այլ տարիներ։ Ֆիլմը պատմում է կարևոր պատմություն՝ իր լարված և կլաստրոֆոբիկ տրամադրություններով և պատկերներով։ Սիմոն Աբգարյանը վարպետորեն է մատուցում իր խաղը որպես չարամիտ և նույնիսկ հոգեբանորեն անհավասարակշիռ կերպար՝ ֆիլմը դարձնելով նման վավերագրության։

«1915» (2015)

Համառեժիսորներ Կարին Հովհաննիսյանի և Ալեք Մուհիբյանի «1915» ֆիլմում Սիմոն Աբգարյանի կերպարը բուռն է։ Տեղի ունենալով թատրոնում՝ Սիմոնը մարմնավորում է թատրոնի ռեժիսորի, ով որոշում է կայացնում 1915թ.-ի Հայոց ցեղասպանության մասին վիճահարույց բեմադրություն բեմադրել։ Լինելով հենց Սիմոնի դերում՝ նրա խաղը  համակրում է՝ փոխանցելով պատմության սարսափելի և խորհրդավոր նախադրյալը։ Համառեժիսորները, իրականում, «1915»-ի սցենարը գրելիս որպես դերասան Սիմոնին ունեին մտքում և նույնիսկ սցենարում օգտագործել էին նրա իրական անունը գլխավոր հերոսի համար։ Այնպես որ, բարեհաջող էր, որ անվանի դերասանը համաձայնվեց ստանձնել այդ դերը:

«Սիրանո, իմ սեր» (2019)

Սիմոն Աբկարյանը դրամայի հարազատ որդին է։ Բայց, լինելով ակնառու դերասան, իր դերասանական կարիերայի ընթացքում նա խաղացել է նաև կատակերգական դերեր։ Ռեժիսոր Ալեքսիս Միչալիկի «Սիրանո, իմ սեր» ֆիլմը պատմում է բանաստեղծ և դրամատուրգ Էդմոնդ Ռոստանդի պատմությունը և «Սիռանո դե Բերժերակ» գիրքը գրելու նրա պայքարը։ Ֆիլմում Սիմոն Աբգարյանը մարմնավորում է Ռոստանդի սպասված պիեսի պրոդյուսեր Անժ Ֆլորիին։ Միաժամանակ կիսակատակերգական և լուրջ, ինչպես նաև սրամիտ՝ Սիմոնը հիանալի կերպով ներկայացնում է ժամանակաշրջանի վարվելակերպն ու ոգին։

«Լսումը» (2019) 

Ինա Ուայսի վերջին ֆիլմերից մեկում՝ «Լսումը» անվանումով, Սիմոն Աբգարյանը մարմնավորում է ջութակի վարպետ Ֆիլիպին՝ ամուսնացած ջութակի ուսուցչուհի Աննայի հետ։ Նրանք ունեն երաժշտության մեջ շնորհալի որդի ՝ Ջոնասը, որին Աննան փորձում է պարտադրել իր դասերը։ Պատմությունը պտտվում է նրանց ընտանիքի իրադարձությունների շուրջ, երբ Աննան սկսում է մարզել տաղանդավոր ջութակահար Ալեքսանդրին իր ավարտական քննության համար։ Նա տարվում է Ալեքսանդրի դասերով՝ հեռվանալով ամուսնուց և որդուց։ Այս դերակատարմամբ Սիմոն Աբգարյանը

Newsletter

Get our news and updates

28/3 Saryan

Yerevan, Armenia

2355 Westwood Blvd. #333

Los Angeles, CA 90064

  • facebook
  • twitter
  • instagram
  • youtube

©2017-2020 by Creative Armenia