Հունիս 3, 2021 |  հեղ.` Creative Armenia

«Creative Armenia Week» գագաթնաժողովը (Մայիսի 17-21, 2021թ.) մտքերի, գաղափարների և տեսլականների աննախադեպ հանդիպում էր։ «Ինչպե՞ս փոթորկել արվեստի աշխարհը» առաջին միջոցառումը ավելի լավ վայելելու համար, մենք ձեզ համար կազմել ենք սրամտությունների, մեջբերումների, թեժ կտորների և առաջարկված ընթերցանությունների և ֆիլմերի հավաքածու։

 

Էրիկ Բոգոսյան

 

«Հայերն ինձ համար շատ տարեց հարազատներն էին, ովքեր խոսում էին հայերեն։ Հայ լինելը հավասարազոր էր տարեց մարդ լինելուն։ Այն պարզապես առասպել էր։ Բայց հետո մենք «Արարատ»-ը նկարեցինք Ատոմի հետ։ Եվ հանկարծ ինձ տեղ հասավ։ Ես տեղափոխեցի ժամանակի մեջ և սկսեցի հասկանալ, որ դա շատ ավելի լայն գաղափար էր, քան ես գիտեի կամ պատկերացնում էի։ Եվ ես մեծ ախորժակ ձևավորեցի բացահայտելու, թե ով եմ ես»։

 

Սերժ Թանկյան

 

«Կարծում եմ, որ արվեստը ներշնչված է հավաքական գիտակցությունից։ Ամբողջ բովանդակությունը գալիս է հավաքական գիտակցությունից, և լավագույն դեպքում մենք դրա հմուտ փոխանցողներն ենք։ Մենք ոգեշնչվում ենք մեր ժամանակների ինչ-որ բանից, այն բաներից, որոնք ապրում ենք, այն բաներից, որոնք մեզ հուզում են։ Եվ եթե մենք այդ ոգեշնչման միջոցով կարողանում ենք պատշաճ կերպով հուզել ուրիշներին, ոգեշնչել միմյանց, ապա արդեն կա  ենթագիտակցական հաղորդակցություն։ Հետևաբար, եթե ինչ-որ մեկը տալիս է աջակողմյան ուղեղի, հուզական արձագանք որևէ երաժշտության, որն իրեն ոգեշնչում է, ուրեմն նա կարող է վերլուծել ձախակողմյան գլխուղեղի քնարական բովանդակությունը, ասվածի հոգեբանական կառուցվածքը։ Միասնաբար այն կարող է ստեղծել ակտիվություն, հույզեր»։

 

Էրիկ Էսրայելյան 

 

«Ինձ համար, հատկապես երբ խոսքը վերաբերում է հայությանը առնչվող նախագծերին, ամեն ինչ կապ պետք է ունենա հնարավոր ազդեցության հետ։ Մտածելը այն ուղիների մասին, որոնցով կարող եմ մեր մշակույթը, մեր համայնքը մեկ այլ մակարդակի հասցնել և հնարավորություններ ստեղծել այլ մարդկանց համար»։ 

 

Անժելա Սարաֆյան 

 

«Երբ ես նոր էի հայտնվել շոուբիզնեսով, ինձ ասացին. «Ձեր դեմքը այնքան էկզոտիկ է։ Ո՞վ է հայը: Գուցե ձեր ձեր ազգանունը դարձնեք Անժելա Սառա։» Փոխեք ձեր ազգանունը, ձեր քիթը ուղղեք, ձեր կզակը տեղադրեք, փոխեք ամեն ինչ, որպեսզի դառնաք նման բոլորին։ Մենք ունենք Անժելինա Ջոլիի նմանակների կարծրատիպը։ Բայց ես ասացի. «Բայց գեղեցկությունը անկատարության մեջ է»։ Դա արտաքին աշխարհի անկատարությունն է, որը մեզ ասում է. «Դու պետք է ունենաս մեծ շրթունքներ և փոքր քիթ, և այլ բաներ գեղեցիկ տեսք ունենալու համար»։ Դրան ի պատասխան ես ասում եմ. «Ահա սա իմ ժառանգությունն է։ (Նա մատնանշում է քիթը)։ Եվ այս, և այս աչքերը: Ես չեմ պատրաստվում վերացնել այն, ինչպես և չեմ պատրաստվում փոխել իմ ազգանունը։ Քանի որ դա ես եմ»։ 

​

Ալեք Մուհիբյան

Մոդերատոր

 

«Զավեշտալի մի բառ, որը մտքումս անընդհատ ծագում է, երբ մտածում եմ, թե ինչ է հայ լինելը և ինչպե՞ս կարող է այն ավելին լինել, քան Ցեղասպանությունը, որի հետ մենք ստիպված ենք նույնացվել, միայն այն պատճառով, որ այն չի ճանաչվել և դեռ չի ճանաչվել այն մարդկանց կողմից, որոնք ամենանշանակալին են՝ թուրքերի։ Բառը «ճանաչումն» է, կարծում եմ։ Ճանաչելու այնքան բան կա, ճանաչման այս անվերջանալի թեման կա հայկական աշխարհում։ Նախ, պետք է ճանաչես, որ հայ ես, եթե մեծացել եք սփյուռքում, հատկապես եթե արևմտահայ ես և ունես այդ հավելյալ հեռացումը Հայաստանից։ Մի բան, ինչ Creative Armenia-ն ասում է՝ տաղանդ ճանաչելն է։ Կարծում եմ այն, ինչ մենք հիմա փորձում ենք անել, ճանաչելն է, թե ուրիշ ինչ է նշանակում լինել հայ և ինչպես այն իրոք կարող է հարստացնել աշխատանքը, որ անում ես»։ 

​

Դիտել 

 

• «Talk Radio», սցենարի հեղինակներ՝ Էրիկ Բոգոսյան և Օլիվեր Սթոն, ռեժիսոր՝ Օլիվեր Սթոն

• «Արարատ», սցենարի հեղինակ և ռեժիսոր՝ Ատոմ Էգոյան, գլխավոր դերերում՝ Էրիկ Բոգոսյան և Արսինե Խանջյան

• «Չհղկված ադամանդներ», գլխավոր դերում՝ Էրիկ Բոգոսյան, ռեժիսոր՝ Ջոշ և Բենի Սեֆդի

• «1915», գլխավոր դերերում՝ Անջելա Սարաֆյան և Սիմոն Աբգարյան, ռեժիսորներ՝ Կարին Հովհաննիսյան և Ալեք Մուհիբյան, երաժշտություն՝ Սերժ Թանկյան

• «Խոստումը», գլխավոր դերում՝ Անջելա Սարաֆյան, պրոդյուսեր՝ Էսրայելյան, ռեժիսոր՝ Թերրի Ջորջ 

• «Ոչնչացման մտադրություն», պրոդյուսեր՝ Էրիկ Էսրայելյան, երաժշտություն՝ Սերժ Թանկյան, ռեժիսոր՝ Ջո Բերլինջեր 

• «Truth to Power», գլխավոր դերում և պրոդյուսեր՝ Սերժ Թանկյան, սցենարի հեղինակ և ռեժիսոր՝ Կարին Հովհաննիսյան

• «I Am Not Alone», ռեժիսոր՝ Կարին Հովհաննիսյան, պրոդյուսերներ՝ Էրիկ Էսրայելյան, Կարին Հովհաննիսյան, Ալեք Մուհիբյան, Սերժ Թանկյան, Երաժշտություն՝ Սերժ Թանկյան 

• «Ֆրանչեսկո», պրոդյուսեր՝ Էրիկ Էսրայելյան, ռեժիսոր՝ Եվգենի Աֆինեվսկի 

• «Army of Crime», գլխավոր դերում՝ Սիմոն Աբգարյան, ռեժիսոր՝ Ռոբեր Կետիկյան

• «Նռան գույնը», սցենարի հեղինակ և ռեժիսոր՝ Սերգեյ Փարաջանով

• «Դոկտոր Ջեքիլը և միստր Հայդը» կամ որևէ այլ ֆիլմ Ռուբեն Մամուլյանի կողմից

 

Ընթերցել 

 

• Վիլյամ Սարոյան, The Man with the Heart in the Highlands & Other Early Stories 

• Armenian Poetry: Classic Armenian Poetry From the 5th to the 20th Centuries 

• Կոստան Զարյանի որևէ հեղինակային գիրք, ներառյալ«Անցորդը և իր ճամփան»,«Բանկոոպը և մամութի ոսկորները» (կարող եք ընթերցել մեր հոդվածը նրա գործի մասին այստեղ) 

• Էրիկ Բոգոսյան, «Operation Nemesis» 

• Եղիշե Չարենց, «Selected Poems»

 

Բացահայտել 

 

• Շառլ Ազնավուր, ֆրանսահայ լեգենդար երաժիշտ և դերասան

• Մայք Քոնորս (Կրիկոր Օհանյան), հռչակավոր Հին Հոլիվուդյան դերասան 

• Արշիլ Գորկի, նշանավոր ամերիկահայ նկարիչ