Նոյեմբեր 16, 2022թ. |  հեղ.` Creative Armenia

Creative Armenia մշակութային հիմնադրամը ուրախ է մեկնարկել 10 եղանակ աջակցելու հայ արվեստին դրամահավաքը, որը կաջակցի ամբողջ աշխարհից և տարբեր ստեղծարար ոլորտներից հայ ստեղծագործողներին։ Հիմնադրամն առաջարկում է 10 եղանակ, որոնց միջոցով արվեստի և ստեղծարարության ջատագովները կարող են սատարել հայ տաղանդների հաջորդ սերնդին՝ նրանց տալով հնարավորությունների, գործիքների և հմտությունների այնպիսի բազմազանություն, ինչպիսիք են ուղղորդումը, մենթորությունը, կապերը, անհատական ​​բրենդինգը, կայքերը, ստեղծարար բնակավայրերը և շատ ավելին։

 

Դրամահավաքը ներառում է հետևյալ 10 եղանակը, որոնցից յուրաքանչյուրը մշակված է ըստ ստեղծագործողների կարիքների և ուղղված է նրանց հիմնարար ու գործնական աջակցություն տրամադրելուն:

 

1-ին եղանակ՝ Մեկնարկե՛ք կարիերա. նվիրաբերելով 100 ԱՄՆ դոլար՝ աջակիցները կարող են արվեստագետներին տրամադրել պրոֆեսիոնալ փիթչինգի տեսանյութ իրենց նախագծերի համար։

 

2-րդ եղանակ՝ Օժանդակե՛ք տաղանդին. նվիրաբերելով 200 ԱՄՆ դոլար՝ աջակիցները կարող են արվեստագետներին ներկայացնել լրատվամիջոցներին և գործակալություններին։ 

 

3-րդ եղանակ՝ Ցուցադրե՛ք ստեղծագործությունը. նվիրաբերելով 400 ԱՄՆ դոլար՝ աջակիցները կարող են արվեստագետներին զինել լիարժեք գործող կայքերով՝ իրենց աշխատանքը ավելի լավ ցուցադրելու համար։

 

4-րդ եղանակ՝  Հրավիրե՛ք խոսնակների. նվիրաբերելով 400 ԱՄՆ դոլար՝ աջակիցները կօգնեն հրավիրել հայտնի խոսնակների և ստեղծագործողների՝ ոգեշնչելու արվեստագետներին։

 

5-րդ եղանակ՝ Ստեղծե՛ք համայնք. նվիրաբերելով 500 ԱՄՆ դոլար՝ աջակիցները կարող են ձևավորել ստեղծարար համայնք՝ հատուկ միջոցառումների և հանդիպումների միջոցով։ 

 

6-րդ եղանակ՝ Ուղղորդե՛ք. նվիրաբերելով 500 ԱՄՆ դոլար՝ աջակիցները կարող են արվեստագետներին անհատական մենթորության և մասնագիտական ​​խորհրդատվության հնարավորություն ընձեռել։ 

 

7-րդ եղանակ՝ Ձևավորե՛ք ինքնություն. նվիրաբերելով 1,000 ԱՄՆ դոլար՝ աջակիցները կարող են արվեստագետներին տրամադրել բրենդավորման հիմնարար փաթեթ։ 

 

8-րդ եղանակ՝  Տրամադրե՛ք անհրաժեշտ գործիքներ. նվիրաբերելով 1,500 ԱՄՆ դոլար՝ աջակիցները կարող են արվեստագետներին զինել տեխնիկական սարքավորումներով և արտադրական աջակցությամբ։ 

 

9-րդ եղանակ՝ Նվիրե՛ք փորձառություն. նվիրաբերելով 2,500 ԱՄՆ դոլար՝ աջակիցները կարող են արվեստագետներին տալ բացառիկ հնարավորություն մեկ ամիս անցկացնելու Բրյուսելի Վիլա Էմպեն ստեղծարար բնակավայրում։

 

10-րդ եղանակ՝ Կա՛յծ տվեք ստեղծարարությանը. նվիրաբերելով 5,000 ԱՄՆ դոլար՝ աջակիցները կարող են հովանավորել դրամաշնորհներ, որոնք կօգնեն սկսնակ արվեստագետներին ստեղծարար ոլորտում իրենց ներկայությունը հաստատել։ 

 

​«Creative Armenia-ում մեր առաքելությունը միշտ եղել է ողջ աշխարհի հայ արվեստագետներին կենսական, գործնական և արդյունավետ աջակցություն ցուցաբերելը», — ասաց Creative Armenia-ի ծրագրերի տնօրեն Անուշ Տեր-Խաչատրյանը։ «Դրամահավաքի այս արշավի միջոցով մենք նպատակ ունենք հարյուրավոր արվեստագետների տրամադրել գործիքներ, մենթորության հնարավորություններ, ստեղծարար կացություններ, բրենդինգ և գովազդային արշավներ, որոնք արդյունավետորեն կայծ կտան և առաջ կմղեն նրանց կարիերան և ստեղծարար աշխատանքը»։

 

Անկախ նվիրատվության չափից, յուրաքանչյուր ներդրում նոր թափ կտա Creative Armenia-ի ծրագրերին, որոնց միջոցով հայ ստեղծագործողները կունենան առավել լայն հնարավորություններ իրենց ստեղծագործական կարիերան զարգացնելու և ստեղծարար նախագծերը կյանքի կոչելու համար։ Creative Armenia-ի ծրագրերի շրջանակում, ինչպիսիք են Creative Armenia-AGBU Fellowship-երի ծրագիրը, Artists for Artsakh-ը, Spark Grants-ը, East-West Residency-ն, Creative Challenges-ը, Artbox-ը, և Creative Summit-ները, տարեկան ավելի քան 500 ստեղծագործողներ և արվեստագետներ ստանում են աջակցություն՝ ուղղորդման, մենթորության, կապերի, անհատական ​​բրենդինգի, կայքերի, ստեղծարար կացության և շատ այլ հնարավորությունների տեսքով։

​

Դրամաշնորհի մանրամասներին ծանոթանալ և արշավին միանալ կարող եք հետևյալ հղումով՝ hy.creativearmenia.org/fundraiser։